10 желтоқсан 2025 жылы мектебімізде 5-11 сынып оқушылары арасында «Адал азамат» біртұтас тәрбие бағдарламасы аясында «Дені саудың – жаны сау» тақырыбында танымдық-спорттық бағыттағы іс-шара ұйымдастырылды. Іс-шара барысында салауатты өмір салты, дұрыс тамақтану, спортпен айналысудың пайдасы туралы ақпарат беріліп, викториналар, спорттық жарыстар, топтық талқылаулар өткізілді. Оқушылар денсаулықты сақтау жолдары бойынша өз пікірлерін ортаға салып, белсенділік танытты. Іс-шара оқушылардың дене тәрбиесіне деген қызығушылығын арттырып, денсаулық – баға жетпес байлық екенін ұғынуға ықпал етті. Салауатты өмір салтын ұстанудың маңыздылығы кеңінен түсіндіріліп, оқушылардың бойында жауапкершілік пен өз-өзіне күтім жасау мәдениеті қалыптасты.
