Мақсаты: Ұлттық салт-дәстүрді дәріптеу, қазақ келінінің инабаттылық, әдептілік, көрегендік қасиеттерін насихаттау, ұстаздар арасындағы шығармашылық белсенділікті арттыру, сондай-ақ ұжымдық бірлікті нығайту және рухани құндылықтарды дамыту.
Аталған сайысқа мектептің ұстаздары қатысып, өздерінің өнерін, білімін және шеберліктерін ортаға салды. Қатысушылар бірнеше кезең бойынша сынға түсті. Атап айтқанда, өздерін таныстыру, ұлттық салт-дәстүрлерді көрсету, тағам дайындау өнері, сондай-ақ интеллектуалдық сұрақтарға жауап беру кезеңдері қамтылды. Сайыс барысында қатысушылар қазақ келініне тән инабаттылық, сыпайылық, тапқырлық пен білімділік қасиеттерін жоғары деңгейде көрсете білді. Әр кезеңде олардың шығармашылық ізденістері мен ұлттық құндылықтарға деген құрметі айқын көрініс тапты. Шара барысында әділқазылар алқасы қатысушылардың өнерін бағалап, қорытынды нәтижелерін шығарды. Көрермендер тарапынан да қатысушыларға ерекше қолдау көрсетіліп, сайыс қызықты әрі тартысты өтті. Аталған іс-шара ұстаздар қауымының бірлігін арттырып, ұлттық тәрбиені насихаттауға, сондай-ақ педагогтардың шығармашылық әлеуетін дамытуға ықпал етті. Қорытындылай келе, «Инабат & Интеллект» тақырыбындағы келіндер сайысы жоғары деңгейде ұйымдастырылып, тәрбиелік мәні зор, мазмұнды іс-шара ретінде өз мақсатына жетті.
