Мақсаты: Оқушылардың отбасылық құндылықтарға деген құрметін арттыру, ата-ана мен бала арасындағы қарым-қатынасты нығайту, бірлескен уақыт өткізудің маңыздылығын түсіндіру, сондай-ақ отбасы мүшелері арасындағы сыйластық пен сүйіспеншілікті дәріптеу болып табылады.
Іс-шара барысында оқушылар өз отбасыларымен бірге демалыс уақытын мазмұнды өткізудің түрлі үлгілерін көрсетті. Атап айтқанда, табиғат аясында серуендеу, спорттық ойындар ойнау, дастархан басында отбасылық әңгіме-дүкен құру, мәдени-танымдық орындарға бару сияқты бірлескен іс-әрекеттер жүзеге асырылды. Оқушылар осы демалыс сәттерінен фотосуреттер мен бейнематериалдар дайындап, сыныптастарымен бөлісті. Сонымен қатар, сынып сағаттарында оқушылар өз отбасымен өткізген бір күн туралы әңгімелеп, алған әсерлерімен бөлісті. Бұл өз кезегінде оқушылардың сөйлеу мәдениетін дамытып, отбасыға деген сүйіспеншілігін арттыруға ықпал етті. Іс-шараға оқушылар мен ата-аналар белсенді қатысып, ұйымдастыру жұмыстары сынып жетекшілерінің үйлестіруімен жүзеге асырылды. Қорытындылай келе, «Отбасым – бақыт мекенім» тақырыбындағы отбасылық демалыс іс-шарасы оқушылардың рухани-адамгершілік тәрбиесін нығайтуға, отбасы құндылықтарын дәріптеуге бағытталған, тәрбиелік маңызы зор, мазмұнды шара ретінде жоғары деңгейде өткізілді.
