Мақсаты: Оқушыларға қазақ халқының ұлттық салт-дәстүрлері мен әдет-ғұрыптарын насихаттау, Наурыз мейрамы мерекесінің мән-мағынасын түсіндіру, ұлттық құндылықтарға деген құрметті қалыптастыру, сондай-ақ оқушылардың шығармашылық қабілеттерін дамыту және бірлік пен ынтымақтастыққа тәрбиелеу.
Мерекелік шара барысында оқушылар ұлттық киім киіп, қазақ халқының салт-дәстүрлерін сахналық көріністер арқылы көрсетті. Сонымен қатар, әндер шырқалып, билер орындалып, ұлттық ойындар ұйымдастырылды. Оқушылар өз өнерлерін ортаға салып, мерекенің көркін қыздыра түсті. Іс-шарада наурыз көже мен басқа да ұлттық тағамдардың маңызы түсіндіріліп, олардың тәрбиелік мәні туралы айтылды. Оқушылар мен ұстаздар мерекелік көңіл күйде бір-біріне ақ тілектерін айтып, ізгі ниеттерін білдірді. Мерекелік шара жоғары деңгейде ұйымдастырылып, оқушылардың ұлттық мәдениетке деген қызығушылығын арттырды. Сонымен қатар, бұл шара жас ұрпақтың бойында елжандылық, ұлттық рух пен дәстүрге деген құрметті қалыптастыруға ықпал етті. Қорытындылай келе, «Армысың, әз Наурыз» тақырыбындағы мерекелік шара мазмұнды, тәрбиелік мәні жоғары іс-шара ретінде өз мақсатына толық жетті.
